განაახლე ინტერიერი- ახალი კოლექცია JYSK-ში!

ახალ სეზონის დადგომასთან ერთად, დროა ჩვენი სახლის ინტერიერიც შემოდგომის ტრენდებსა და განწყობას მოვარგოთ.

სექტემბერი ცვლილებების, ახალი განწყობებისა და ემოციების თვეა. ინტერიერის დიზაინში იკვეთება ახალი ტენდენციები, იცვლება ფერთა პალიტრა და ვიზუალური ესთეტიკა. ზაფხულის ხასხასა და ნათელი ფერები გარდაიქმნება თბილ ტონებსა და მოდერნისტულ ჰარმონიაში, რომელიც სიმშვიდესა და სიმყუდროვეს ასხივებს.

JYSK-ის განახლებული კოლექცია მდიდარია საშემოდგომო ატმოსფეროთი, დახვეწილი დიზაინითა და მყუდრო ფერებით.

სიმწვანე ინტერიერში: HARALDUR ყვავილის ქოთანი და ALAN დეკორატიული მცენარე

ინტერიერის დიზაინში მწვანე ფერები სიმშვიდისა და ბუნების ასოციაციას ქმნის. ახალი კოლექციის ერთ-ერთი ეფექტური კომბინაციაა HARALDUR ყვავილის ქოთანი და ALAN დეკორატიული მცენარე. შემოდგომის სეზონის რჩეული ტონალობები, მუქი მწვანე და ეფექტური კრემისფერი იდეალურ კომპოზიციას ქმნიან.

HARALDUR ყვავილის ქოთანი გამოირჩევა მომრგვალებული ფორმითა და გლუვი, ელეგანტური ზედაპირით, რითაც იგი ერგება როგორც მინიმალისტურ და თანამედროვე, ისე მეტად რეტრო და ბუნებრივ მასალებზე დაფუძნებულ დიზაინს.

მასთან შეხამებული ALAN დეკორატიული მცენარე 90 სმ სიმაღლისაა და ბუნებრივად მუქი მწვანე ფოთლებით გამოირჩევა. მისი სიცოცხლით სავსე ტექსტურა და მინიმალისტური ვიზუალი ინტერიერს სიმწვანესა და ჰარმონიულ ესთეტიკას მატებს.

მუქი ხისფერი, შემოდგომის სეზონის ახალი ფავორიტი

TORD სურათის ჩარჩოები დიდი ხანია მომხმარებლების საყვარელ არჩევანია, ისინი მინიმალისტური დიზაინითა და ბუნებრივი ტექსტურით გამოირჩევა, რაც ინტერიერს დახვეწილ ვიზუალს სძენს. JYSK უახლეს კოლექციაში TORD სურათის ჩარჩოებისთვის მუქ ხისფერს იყენებს და კიდევ უფრო უნიკალურ და მომხიბვლელ ვიზუალს სძენს მომხმარებლის რჩეულ პროდუქციას.

TORD სურათის ჩარჩოები ოთხ სხვადასხვა ზომაშია ხელმისაწვდომი. თითოეულ მათგანს მოჰყვება უნიკალური დიზაინის ფოტოსურათები, გაჯერებული მშვიდი ტონალობებითა და უახლესი ტრენდებით. ეს არის კლასიკური დიზაინის თანამედროვე ინტერპრეტაცია, რომელიც ქმნის პრემიუმ შეგრძნებას და შესანიშნავად ერწყმის სხვადასხვა ტიპის ინტერიერს.