ბოლო წლების განმავლობაში საგრძნობლად შეიცვალა მუშაობის სტილი, შეხვედრები გახდა ვირტუალური, უმრავლესობა მუშაობს სახლიდან, რამაც წარმოქნა კომფორტული სამუშაო სივრცის საჭიროება. ბევრი ჯერ კიდევ საძინებლიდან ან სამზარეულოდან მუშაობს, რაც მნიშვნელოვნად აზარალებს ჩვენი სამუშაო განწყობას და პროდუქტიულობას.
ჩვენ გირჩევთ, როგორ გამოყოთ სამუშაო სივრცე საცხოვრებელი სივრცისგან, სადაც იქნებით ბოლომდე მობილიზებული და სამუშაოდ განწყობილი.
ცალკე სამუშაო ადგილის ქონდა ბევრისთვის დიდ ფუფუნებას წარმოადგენს, ამიტომ უკვე არსებულ სივრცეში უნდა გამოყონ სივრცე, რომელიც ოფისის ატმოსფეროს შექმნის. თუ თქვენ ჯერ კიდევ გიწევთ თქვენი სამუშაო ლეპტოპის სასადილო მაგიდაზე მოთავსება, ეცადეთ დღის ბოლოს ლეპტოპი თქვენი მხედველობის არედან მოაშოროთ, ეს დაგეხმარებათ სამუშაო დღს ბოლოს განეწყოთ სასიამოვნო და მშვიდი დროის გასატარებლად მეგობრებთან და ოჯახის წევრებთან.
შრომატევად საქმედ გეჩვენებათ? - ორგანიზებული და დალაგებული სამუშაო სივრცე კიდევ უფრო გმატებთ ენერგიას დღის განმავლობაში, გაზრდის თქვენს პროდუქტიულობას.
ეცადეთ სამუშაოს დაწყებამდე 10 წუთით ადრე მოაწესრიგოთ თქვენი ნივთები, მოაშორეთ გამოყენებული ყავის ჭიქები, გადაყარეთ ზედმეტი ქაღალდები და გაწმინდეთ მაგიდის ზედაპირი.თუ თქვენ სამუშაოს სტილი მოიცავს ბევრი ნივთის ერთად გამოყენებას, განაადაწილეთ ისინი ლამაზად სათავსოებში, რათა თავიდან აირიდოთ არეულობა, მოიგოთ დრო და იყოთ მოწესრიგებული.
კალათები და ყუთები იდეალური ვარიანტია სამუშაო ნივთების გასანაწილებლად, დადგით რამოდენიმე ყუთი სამუშაო მაგიდის ქვეშ ან გვერდზე.
თუ თქვენი სამუშაო მოიცავს ხშირ ონლაინ შეხვედრებს, ეცადეთ თქვენი ფონი იყოს მაქსიმალურად პრეზენტაბელური, სამუშაოსთვის რელევანტური და ნაკლებად შემაწუხებელი.სამუშაოსთვის მიზანშეწონილი ატმოსფერო დაგეხმარებათ იყოთ ფოკუსირებული და მშვიდი.
შეარჩიეთ თქვენთვის შესაფერისი სამუშაო მაგიდა და სკამები.
