საძინებელი ადამიანის ცხოვრებაში კომფორტსა და სიმყუდროვესთან ასოცირდება,
თუმცა, ხშირად საძინებლის სივცრის მოწყობისას იქმნება დილემა კომფორტსა და ინდივიდუალიზმს შორის.
ქვემოთ მოცემული დეკორაციის რჩევები დაგეხმარებათ კომფორტის ხარჯზე შეინარჩუნოთ ინდივიდუალიზმიც
აუცილებელია, დეკორაციები შეარჩიოთ ისე, რომ ოთახმა არ დაკარგოს სიმყუდროვე. ამის მისაღწევად სცადეთ ოთახის გაფორმება ტექსტილით. კომფორტული საწოლი, ბალიშები, თქვენზე მორგებული მატრასი, რბილი საწოლის გადასაფარებელი და რბილი ხალიჩა.
ოთახის განათება ასევე გადამწყვეტი ფაქტორია სიმყუდროვისთვის. მოერიდეთ მკვეთრ, ცივ შუქს და ოთახი გაანათეთ თბილი და ნეიტრალური ნათებით.
ნუ შეაჩერებთ არჩევანს განათების მხოლოდ ერთ წყაროზე, მყუდრო გარემოს შესაქმნელად საძინებელი გააფორმეთ დამატებით, პატარა ოთახის განათებებით.
იმისთვის, რომ გაამდიდროთ ოთახის მყუდრო ატმოსფერო, იფიქრეთ სივრცის გაფორმებაზე პატარა წვრილმანებით, რომლებსაც გარკვეული მნიშვნელობა აქვთ თქვენთვის.
და ბოლოს, ნუ დაგავიწყდებათ ღია ფერის ნათელი ფარდები ხალისიანი დილისა და ბლაინდები
ღამის მშვიდი ძილისთვის.
სკანდინავიურ ინტერიერში ძირითადი აქცენტი კეთდება ბუნებრივ შუქზე. ამისათვის შექმენით
თეთრი, კრემისფერი, ცისფერისა და ნაზი ნაცრისფერი ფერების პალიტრა.
მოერიდეთ ძალიან ბევრ წვრილმანს. გამოიყენეთ მწვანე მცენარეები სიხალისის შესაქმნელად და ბეწვის, რბილი ხალიჩები სიმყუდროვისა და სითბოსთვის.
ნუ დაგავიწყდებათ, რომ მუხა არის სკანდინავიური სტილის მთავარი კომპონენტი. გამოიყენეთ მუხის ავეჯი, ჩარჩოები და სარკეები განსაკუთრებულად თბილი და ნეიტრალური გარემოს შესაქმნელად.
შეარჩიეთ მაქმანი და ნაქარგები თქვენს ქსოვილებზე, მაგალითად: საწოლზე, ბალიშებზე, ფარდებსა და ხალიჩებზე. ტექსტილი მნიშვნელოვანი ელემენტია დეკორაციისთვის. ნაქარგი ქსოვილები და მაქმანი ინტერიერში შემოაქვს ბუნებრივი სილამაზისა და მარადიულობის ეფექტი. ასევე, გაითვალისწინეთ, რომ გრძელი ფარდა მეტ მიმზიდველობას სძენს თქვენს ოთახს.
რომანტიკულ გარემოს სრულყოფილს ხდის ბუნებრივი მასალები, გამოიყენეთ პასტელი და მშვიდი ფერები აქსესუარებისთვის, საწოლებისა და სანათებისთვის.
ყვავილები - ნამდვილი ან დეკორატიული, ბუნებრივი სილამაზისა და სიხალისისთვის. დაამატეთ ნატურალური მასალის პატარა ავეჯი, კომოდები და ტუმბოები, ისე რომ არ დაკარგოთ სტილი.
როდესაც სივრცე შეზღუდულია, მაშინ მინიმალისტური დიზაინი საუკეთესო არჩევანია. ეს ნიშნავს ოთახის ყოველი სანტიმეტრის ოპტიმალურად გამოყენებას, როგორიცაა ადგილი თქვენი საწოლის ქვეშ დამატებითი სათავსო სივრცისთვის, თაროები და ტანსაცმლის საკიდები.
პატარა საძინებლის გაფორმებისას პოპულარულია ჟალუზების გამოყენება, რათა არ დაკარგოთ სივრცის შეგრძნება და შეინარჩუნოთ ნეიტრალური იერი. და ბოლოს, ნუ დაგავიწყდებათ სარკეების გამოყენება დამატებითი სივრცითი ილუზიის შესაქმნელად.
