მისაღები ოთახი ხშირად სახლის გულია - ადგილი ოჯახური, მხიარული შეკრებების, მეგობრების გამასპინძლების, დასვენებისა თუ გართობისთვის. იმისთვის, რომ მისაღები ოთახის დიზაინი მოვარგოთ მის ყველანაირ ფუნქციას, საჭიროა ამ გამოწვევას მომზადებულები შევხვდეთ. თქვენ გჭირდებათ დიზაინი, რომელიც ერთმანეთში აერთიანებს სიმყუდროვეს, გართობასა და ელეგანტურობას.

ჩვენ გაგიზიარებთ 5 მარტივ რჩევას, რაც დაგეხმარებათ მაქსიმალურად გამოიყენოთ თქვენი მისაღები ოთახის სივრცე და ამავდროულად შეინარჩუნოთ მისი მიმზიდველობა და ფუნქციონალურობა.

1: არ დაფაროთ ფანჯრები ავეჯით

დიზაინის ერთ-ერთი გავრცელებული შეცდომაა ავეჯის განთავსება პირდაპირ ფანჯრების ქვეშ ან მის წინ. მიუხედავად იმისა, რომ ფანჯარა პოპულარული ადგილია დივანის მოსათავსებლად, რეალურად ეს მეთოდი ბლოკავს ბუნებრივ შუქს, რაც სივრცეს უფრო ბნელს ხდის. ეს ასევე ართულებს ფანჯრების გაწმენდას ან მცენარეების განთავსებას ფანჯრის რაფაზე. იმისათვის, რომ თქვენი მისაღები ოთახი იყოს განათებული და ღია, სცადეთ ავეჯის გადატანა ფანჯრის მოპირდაპირე მხარეს, შემოუშვით მზე და შექმენით უფრო მყუდრო და ბუნებრივი ატმოსფერო. გაოცდებით, თუ რამხელა განსხვავებას ქმნის ბუნებრივი სინათლის შემოყვანა ინტერიერში.

2: გამოყავით სივრცეები თქვენს მისაღებ ოთახში

მისაღები ოთახი, სადაც მკაფიოდ განსაზღვრული სივრცეებია, არა მხოლოდ უფრო ორგანიზებულად გამოიყურება, არამედ ქმნის სიმყუდროვისა და ჰარმონიის განცდას. ნაცვლად ყველაფრის დაჯგუფებისა, გამოყავი სექციები და მიეცი ავეჯსა და დეკორაციას სტრუქტურა და ვიზუალური ბალანსი. ეს ხრიკი მნიშვნელოვანია, რათა სივრცე ნაკლებად გადატვირთული და მეტად ფუნქციონალური გახდეს. მაგალითად, გამოიყენეთ ხალიჩები მოსასვენებელი ადგილის ვიზუალურად გასაყოფად სასადილო ზონიდან, ან შექმენით მყუდრო საკითხავი კუთხე კომფორტული სავარძლითა და იატაკის სანათით. თითოეული სივრცისთვის საკუთარი იდენტობის მინიჭება ოთახს მეტად უნიკალურს ხდის.

3:  შეარჩიე ავეჯი, რომელიც შეესაბამება თქვენი მისაღები ოთახის ზომას

მისაღები ოთახის დიზაინის ერთ-ერთი მთავარი საიდუმლო საერთო სივცრისთვის შერჩეული ავეჯის მორგებაა. თუ თქვენ გაქვთ ფართო ოთახი, შეგიძლიათ ჩადოთ ინვესტიცია დიდ ზომის ავეჯში, როგორიცაა სექციური დივანი, დიდი ყავის მაგიდა, ვიტრინა და კომოდი. თუმცა, პატარა ოთახში დიდი ზომის ავეჯს შეუძლია დაფაროს სივრცე და შექმნას უჰაერობისა და ქაოსის ილუზია. შეარჩიეთ მეტად კომპაქტური ავეჯი, რომელიც მაქსიმალურად გაამდიდრებს თქვენს შეზღუდულ სივრცეს, თანაც იქნება მყუდრო და ფუნქციონალური.  მაგალითად, პატარა ან მოდალური დივანი დაგეხმარებათ მაქსიმალურად გაზარდოთ ოთახის პოტენციალი.

4: მოერიდეთ ზედმეტ დეკორაციას

ზედმეტმა დეკორაციამ შეიძლება ოთახი დატვირთული და ქაოტური გახადოს. ამის ნაცვლად, იყავით შერჩევითი და სტრატეგიული. თუ გიყვართ პერსონალური ნივთების დეკორში გამოყენება, მოათავსეთ ისინი თანამედროვე თაროებსა და ვიტრინებში, ისე, რომ არ გადატვირთოთ სივრცე. უზრუნველყავით თქვენი საყვარელი ნივთების ლამაზი, ორგანიზებული განთავსება და შეინარჩუნეთ საერთო ესთეტიკა. ზოგჯერ, ნაკლები ნამდვილად მეტს ნიშნავს - თქვენი დეკორის გარშემო ღია სივრცის დატოვებით, ოთახს ბუნებრივი და ჰაეროვანი იერსახე ექნება.

5: იყავი ღია ცვლილებებისთვის

ნუ შეგეშინდება გასცდე შარჩოებს და სცადო ახალი, უნიკალური ცვლილებები ინტერიერში. ნივთების გადაადგილებამ შეიძლება მთლიანად გარდაქმნას თქვენი მისაღები ოთახის განწყობა. ითამაშეთ სხვადასხვა განლაგებით და დააკვირდი, რა გავლენა აქვს თითოეულ მათგანს სივრცეზე. გადაიღეთ ფოტოები სხვადასხვა კუთხიდან, რომ შეადაროთ და იპოვოთ კონფიგურაცია, რომელიც საუკეთესოდ მუშაობს თქვენთვის. ავეჯის განლაგების ცვლილება არა მარტო ახალ იერსახესა და ხასიათს ქმნის, არამედ გავლენა აქვს ფუნქციონალურობისა და სიმყუდროვეზეც.