ᲠᲝᲒᲝᲠ ᲨᲔᲕᲐᲠᲩᲘᲝᲗ იდეალური ლაუნჯ ნაკრები

თუ გიყვარს ზაფხულის ცხელი დღეების გარე სივრცეში გატარება, სასურველია გაახალისო შენი ექსტერიერი, შემატო მას სიხალისე და სიმყუდროვე.ზაფხულის საღამოს სახლში გატარება არავის უყვარს, ამიტომ მნიშვნელოვანია გადაახალისო შენი გარე სივრცე, იქნება ეს ეზო თუ აივანი.

თუ გსურთ, რომ სრული სიამოვნება მიიღოთ ზაფხულის თბილის საღამოებისგან, შეარჩიეთ ლაუნჯ ნაკრები, რომელიც იქნება თქვენთვის შესაფერისი. იუსკში შეგხვდებათ ავეჯის უთვალავი კომბინაცია : მაგიდები, სკამები, სავარძლები, ნაკრები და ა.შ. გარდა ამისა, თქვენ ასევე უნდა იფიქროთ ხარისხსა და მოვლის სპეციპიკაზე. ბლოგში ვისაუბრებთ იმ ძირითად დეტალებზე, რომელთა გათვალისწინება დაგეხმარებათ იდეალური ლაუნჯ ნაკრების შერჩევაში

რატომ უნდა შეარჩიო ლაუნჯ ნაკრები?

ლაუნჯ ნაკრების გამოყენება შესაძლებელია როგორც ეზოში, ასევე ბაღსა და ვერანდაზე. ის განსაკუთრებულ, კომფორტულ ატმოსფეროს შესძენს თქვენს ექსტერიერს. მყუდრო და სასიამოვნო გარე სივრცე მნიშვნელოვან როლს თამაშობს ზაფხულის თბილი დღეების გასატარებლად. მნიშვნელოვანია სივრცე მოაწყოთ ისე, რომ შეძლოთ როგორც
დასვენება და სიჩუმით ტკბობა, ასევე დროის მხიარულად გატარება მეგობრებთან და ოჯახთან ერთად. ლაუნჯის ნაკრები შეიძლება იყოს როგორც თავშეყრისა და მხიარულების, ისე სიმყუდროვისა და ჰარმონიის ადგილი თქვენს ექსტერიერში.

წარმოიდგინეთ, როგორ და სად გსურს გაატარო ზაფხულის ლამაზ დღეების დიდი ნაწილი -  ბაღში, სიმწვანეში, ხეების ჩრდილქვეშ თუ ელეგანტურად მოწყობილ ვერანდაზე. ჩვენ გირჩევთ ყურადღება გაამახვილოთ ფერთა გამაზე. ბაღის სიმწვანესა და მზის სხივებს ჰარმონიულად ეხამება ღია ფერები, იქნება ეს კრემისფერისა და ხისფერის კომბინაცია თუ ღია ცისფერი შავი დეტალებით. გაშლილი ვერანდებისთვის და პატარა აივნებისთვის კი ტრენდულია შავი და რუხი
ფერების ლაუნჯ ნაკრები, რომელსაც ფერადი დეკორაციები დამატებით სიხალისეს შესძენს.

ახალი ლაუნჯ ნაკრების ძებნისას არჩევანი შეიძლება ძალიან მრავალფეროვანი იყოს. ჩვენ გირჩევთ, გამოარჩიოთ თქვენთვის შესაფერისი პრიორიტეტები: ფასი, ფუნქციონალურობა თუ მთავარი საჭიროება. იმისათვის, რომ გაგიადვილდეთ არჩევანი, ჩვენ შევარჩიეთ ოთხი ყველაზე მნიშვნელოვანი ფაქტორი, რომელიც გასათვალისწინებელია ლაუნჯ ნაკრების შერჩევისას

პირველი რაც უნდა გაითვალისწინოთ არის თქვენი გარე სივრცის ზომა. იქნება ეს პატარა აივანი თუ გაშლილი ვერანდა, მწვანე ბაღი თუ დიდ მინდორიანი ეზო.

პატარა გარე სივრცისთვის შეიძლება პრობლემური იყოს კუთხის დივანი, მაგრამ კომპლექტი ორი ბაღის სკამით, მაგიდითა და თუნდაც 2 ადგილიანი დივნით იდეალური ვარიანტია. შეიძინეთ მსუბუქი და დახვეწილი ავეჯი, რომლის გადაადგილებაც ადვილია.

თუ თქვენს გარე სივრცეს წარმოადგენს პატარა ბაღი, რომელიც გაჯერებულია სიმწვანეებით, მაშინ იდეალური არჩევანია საშუალო ზომის ლაუნჯ კომპლექტი, რომელიც შედგება 3 ადგილიანი დივანისგან, ბაღის სკამისა და საშუალო ზომის ბაღის მაგიდისგან, თუ სივრცე პრობლემას არ წარმოადგენს, მაშინ თქვენ გაქვთ ფუფუნება უფრო თავისუფლად შეარჩიოთ სასურველი ლაუნჯ ნაკრები. თუმცა, პრობლემა შეიძლება იყოს მთელი სივრცის ათვისება და ერთიანი ჰარმონიის შექმნა. ამ დროს სასურველია დიდი ზომის ლაუნჯ ნაკრების შერჩევა. ასევე, თქვენ შეგიძლიათ დაყოთ სივრცე სხვადასხვა მიზნებისთვის. მოაწყვე სავახშმო და წვეულებისთვის განკუთვნილი სივრცე დიდი ზომის ბაღის მაგიდითა და სკამებით, ხოლო ჰარმონიული და მყუდრო ატმოსფეროსთვის შეარჩიე დიდი ზომის ლაუნჯ ნაკრები, რომელიც დივნის, სავარძლისა და საშუალო ზომის ბაღის მაგიდისგან იქნება დაკომპლექტებული.

თუ სპეციფიკური ხედვა გაქვთ თქვენი გარე სივრცისთვის, შეგიძლიათ შექმნათ საკუთარი კომპლექტი ლაუნჯ ავეჯის ცალკეული ნაწილებისგან, ან დამატებით შეიძინოთ ისეთი დეტალები, როგორიცაა ქოლგა, შეზლონგი და საქანელა

ავეჯის მოვლის სპეციფიკას დიდი მნიშვნელობა აქვს ლაუნჯ ნაკრების შერჩევისას, შენს მიერ შერჩეული ავეჯი უნდა იყოს კომფორტული მისი მოვლისა და შენარჩუნების სპეციპიკითაც. ლაუნჯის კომპლექტების უმეტესობას აქვს ხელოვნური ხისგან, მყარი ხისგან, როტანგი ან ლითონისგან დამზადებული ჩარჩო, როგორიცაა ალუმინი. ეს მასალები თითქმის არ საჭიროებს მოვლას და ამინდის მიმართ მგდრადია. ისინი ადვილად იწმინდება საპნითა და წყლით.

ხის ან ლითონისგან დამზადებულ ლაუნჯ ავეჯს ხშირად აქვთ თანამედროვე და მინიმალისტური იერი. სტილი, რომელიც ძალიან კარგად ეხამება ეზოსა და ბაღის ესთეტიკას. გაითვალისწინეთ, რომ სხვადასხვა ტიპის ხეს აქვს სხვადასხვა უპირატესობა და ტექნიკური საჭიროება. გარე გამოყენებისთვის ყველაზე იდეალური სახეობა ტექის ხეა, რომელიც მაღალი ბუნებრივი ზეთის შემცველობის გამო გამძლეობითა და მდგრადობით გამოირჩევა. ის გაუძლებს როგორც წვიმასა და ქარს, ასევე მზის მწველ სხივებს. ლითონი, როგორიცაა ალუმინი ან გალვანზირებული ფოლადი, მუდმივად ინარჩუნებს პირველად იერს. ეს მასალები უძლებენ ცვეთას წლების განმავლობაში.

კომფორტთან ერთად არ უნდა დავივიწყოთ დიზაინი. გარე ავეჯი უნდა ეხამებოდეს სახლის ინტერიერსა და დიზაინს. სტილი არის როგორც მასალების, ფორმების, ფერების და სხვა პატარა დეტალების ერთობლიობა, ასევე თქვენი პირადი პრეფერენციების საკითხი. თუ მოგწონთ უფრო თანამედროვე დიზაინი, იხილეთ ჩვენი VONGE კოლექცია.

ყველაფერთან ერთად ნუ დაგავიწყდებათ ისეთი დეტალები, რომელიც მეტ პრაქტიკულობას შესძენს შენს არჩევანს. თუ თქვენ ლაუნჯ ავეჯს ხშირად გადაადგილებთ, დარწმუნდით, მის სიმსუბუქეში. თუ ეძებთ ლაუნჯ ნაკრებს სხვადასხვა დანიშნულებისთვის, როგორიცაა მხიარული საღამოს ვახშამი და წვეულებები ან წყნარი ჰარმონიული გარემო, დღის შუქზე წიგნის კითხვისა და კოქტეილების მისართმევად, დარწმუნდით, რომ კომპლექტში შემავალი მაგიდა  სიმაღლეში რეგულირებადია. თუ გსურთ გქონდეთ დამატებითი სივრცე ბალიშების, პლედების, ბავშვის სათამაშოებისა და სხვა საჭირო ნივთების შესანახად, შეარჩიეთ ლაუნჯის ნაკრები სათავსოთი.