ხალიჩები, პლედები და დეკორატიული ბალიშები: შეიტანე HYGGE თქვენი ოთახის დიზაინში

თქვენი მისაღები ან სასადილო ოთახის რედიზაინი არ უნდა იყოს დამღლელი პროექტი. ინტერიერის განსაახლებლად არ გჭირდებათ კედლების მოხატვა, ინვესტიცია ახალ დივანში ან ახალი სავარძლების ყიდვა. ხანდახან მცირე ცვლილებები ყველაზე დიდ შთაბეჭდილებას ახდენს. დეკორატიული ბალიშების, პლედებისა და ხალიჩების გამოცვლას, შეუძლია განაახლოს და გამოაცოცხლოს თქვენი სივრცე. საოჯახო ტექსტილი - დანიური HYGGE კონცეფციის ძირითადი ელემენტია. ტექსტილით სივრცის გამდიდრება ინტერიერის დიზაინში აპრობირებული მეთოდია. დეკორატიულ ბალიშებს, პლედსა და ნოხს შეუძლია განსაზღვროს ოთახის სხვადასხვა არეალი, შექმნას ჰარმონია, დანერგოს სიმყუდროვე, შემოიტანოს ფერები და ტექსტურა, რომელიც სივრცეს გაახალისებს და მეტად ელეგანტურს გახდის.

პლედები - სტილისა და კომფორტის იდეალური ნაზავი

პლედი მრავალფეროვანი და ფუნქციონალური დეკორატიული ელემენტია. მისი გამოყენებით შეგიძლიათ გაამდიდროთ ფართო სივრცე, შექმნათ მყუდრო ფონი დეკორატიული ბალიშებისთვის, ან შემატოთ მიმზიდველი იერი სავარძელსა და დივანს. ესთეტიკური თვისებების გარდა, პლედი ფუნქციონალურობითაც გამოირჩევა. ყველა ჩვენგანს უყვარს ღუნღულა პლედში გახვევა ფილმის ყურებისას, ბუხრის წინ მოკალათებისას, თუ წიგნის კითხვისას.

Mix&Match ფერები და დიზანი

დეკორატიული ბალიშებისა და პლედების კომბინაცია ყველაზე მარტივი გზაა თქვენი სივრცის განახლებისთვის. ითამაშეთ სხვადასხვა ფერებითა და ტექსტურით, შეარჩიეთ ჩრდილები თქვენთვის მიმზიდველ ფერთა პალიტრაში, რათა შექმნათ ჰარმონიული იერსახე. დამატებითი ეფექტისთვის, შეურიეთ დიზაინი და ტექსტურები - შეუთავსეთ
ნაქსოვი ნაჭრები ხავერდის ბალიშებს, გამოკვეთე ნეიტრალური ფონი დეკორატიული ბალიშების მკვეთრ დიზაინით.

ხალიჩები: მყუდრო საფუძველი ყველა ოთახისთვის

ოთახში სივრცეების განსაზღვრა მნიშვნელოვანი დეტალია. ინტერიერის დიზაინერები ხშირად მიმართავენ ხრიკს, გამოიყენონ ხალიჩა სექციების დასაყოფად. მისაღებ ოთახში, დივანთან განათავსეთ დიდი ზომის ხალიჩა რათა შექმნათ სივრცის ილუზია. პრაქტიკული გამოყენების გარდა, ხალიჩები თქვენს სახლს მეტად მიმზიდველს ხდის.

ხალიჩები, როგორც კედლის ხელოვნება

ხალიჩის გამოყენება, კედლის გასაფორმებლად ინტერიერის დიზაინის ერთ-ერთი არატრადიციული მიგნებაა. კედელზე ლამაზი ნოხის ჩამოკიდება თქვენს სახლს სითბოსა და გამორჩეულ ელფერს შესძენს. გემოვნებისამებრ, შეარჩიეთ ტრადიციული დიზანია ან მეტად მოდერნისტული, გეომეტრიული ფიგურები, გაამდიდრეთ თქვენი სივრცე კედელზე ხალიჩის განთავსებით. ეს ხრიკი მნიშვნელოვანი გზაა ინტერიერის გასახალისებლად, სითბოსა და სიმყუდროვის დასანერგად საცხოვრებელ სივრცეში. ფრთხილად იყავით, რომ არ გადატვირთოთ ოთახი. მნიშვნელოვანია, რომ ტექსტილი ზომიერად იყოს შერჩეული და მათი კომბინაცია იატაკზე, ავეჯსა თუ კედელზე ერთ დიდ ჰარმონიულ წყობას ქმნიდეს.

JYSK-ის საოჯახო ტექსტილის კოლექცია

სკანდინავიური HYGGE-ს დიზაინში JYSK ნამდვილი ექსპერტია. დაათვალიერეთ ჩვენი პლედების, დეკორატიული ბალიშებისა და ნოხის ფართო არჩევანი, რომელიც ერგება ყველა სტილსა და გემოვნებას.

გადახედეთ ახალ კოლექციებს და იპოვეთ შთაგონება, რათა უფრო მეტი HYGGE შესძინოთ თქვენს სახლს!