მარინა კარპიის ფავორიტები

JYSK-ის ახალმა კოლექციამ უკვე მოიპოვა უამრავი ადამიანის სიყვარული. ავეჯის, დეკორაციისა და ტექსტილის განახლებული ასორტიმენტი გამოირჩევა თანამედროვე სკანდინავიური დიზაინით, ვიზუალურად დახვეწილი ფორმებითა და ჰარმონიული ფერებით, რომელიც აერთიანებს როგორც თამამ, ისე კლასიკურ და ელეგანტურ ტონებს

ახალი კოლექციის განსხვავებულმა ესთეტიკამ განსაკუთრებულად მოხიბლა ცნობილი ინფლუენსერი მარინა კარპიიც, რომელიც გამორჩეული სტილით, ვიზუალური ხედვითა და უნიკალური დიზაინის შეგრძნებით არის ცნობილი.

JYSK-ისა და მარინა კარპიის კოლაბორაციის ფარგლებში, JYSK-ის ხეივნის ფილიალში მარინამ ახალი კოლექციის გამოყენებით სამი შოურუმი მოაწყო — საძინებელი, სასადილო და მისაღები სივრცეები, სადაც მან თავის რჩეულ ნივთებს ახალი სიცოცხლე და ხასიათი შესძინა.

აღსანიშნავია, რომ თითოეული სივრცე აერთიანებს ფუნქციონალურობას, სიმყუდროვესა და ვიზუალურად დახვეწილ სითამამეს— რომლებიც  JYSK-ის ახალი კოლექციის მთავარი ღირებულებებია

ბლოგში გაგაცნობთ მარინა კარპიის რამდენიმე რჩეულ ნივთს ახალი კოლექციიდან, სრული შთაბეჭდილების მისაღებად კი ეწვიეთ JYSK-ის ხეივნის ფილიალს, სადაც სრულად დაათვალიერებთ მის მიერ მოწყობილ სივრცეებს.

საძინებელის ინტერიერის შექმნა საკმაოდ პერსონალური და სათუთი პროცესია. ეს არის სივრცე, სადაც მნიშვნელოვანია იგრძნობოდეს ბალანსი სიმყუდროვეს, სიმშვიდესა და დადებით ენერგიას შორის. იმისთვის, რომ თავი კომფორტულად იგრძნოთ, სასურველია დიზაინს თქვენი იდენტობა და ხასიათი შესძინოთ. სწორედ ამიტომ, მარინამ საძინებლის მოწყობისას თამამი ფერები, დახვეწილი ვიზუალები და პირადი ფოტოკოლექცია გამოიყენა.

შოურუმის ცენტრალური ელემენტი VEMMELEV საწოლი გახდა. მისი რბილი ტექსტურა და ღია ბეჟი ტონალობა ოთახს ჰაეროვნებასა და სიმყუდროვეს სძენს. მიუხედავად მოცულობითი ფორმისა, საწოლი არ ტვირთავს ოთახს, პირიქით მისი ღია  ტონალობა ვიზუალურად სივრცისა და ჰარმონიულობის შეგრძნებას აძლიერებს. VEMMELEV საწოლის დამატებითი უპირატესობა მისი მოცულობითი სათავსოა.

საძინებელში სივრცის შეგრძნება მნიშვნელოვანი ფაქტორია, ამისთვის, მარინამ AGGERSUND სარკე შეარჩია, ახალი კოლექციის ერთ-ერთი ფავორიტი პროდუქტი. AGGERSUND-ს უნიკალურს ღია ტონები და ელეგანტური ჩარჩო ხდის. სარკე იდეალურად ანაწილებს სინათლეს მთელს ოთახში და ქმნის ბუნებრივად გაშლილი სივრცის ეფექტს.

ტექსტილისა და დეკორაციის შერჩევისას მარინა კარპიიმ ყურადღება რამდენიმე მნიშვნელოვან დეტალზე გაამახვილა: რბილი და დახვეწილი ტექსტილი მაქსიმალური კომფორტისთვის, ხოლო თამამი და გამბედავი ფერები მხიარული და დადებითი აურისთვის.

მისი პირველი რჩეული ჟატის თეთრეულის ნაკრები, STINNE გახდა, რომელიც რბილი ფაქტურით, ზოლიანი დიზანითა და თბილი ფერების კომბინაციით გამოირჩევა. ეს არჩევანი ოთახში სიმყუდროვის საფუძველი გახდა, რომელზეც მთელი ოთახის ფერთა გამა აიგო.

სივრცეში სითამამის შემოსატანად მარინა კარპიიმ VILLMORELL საწოლის გადასაფარებელი გამოიყენა. VILLMORELL-ის ჭაობისფერი ტონალობა და ძლიერი ტექსტურა ოთახის მთავრ ფოკუსად იქცა. მუქი ფერების გასახალისებლად კი მარინამ ვერცხლისფერი UDBY დეკორატიული თარო და ბორდოსფერი RANDERUP ყავის მაგიდა გამოიყენა.

სასადილო ოთახის მოსაწყობად მარინა კარპიიმ არაორდინალური დიზაინის და ოვალური ფორმების სასადილო მაგიდა VORDINGBORG შეარჩია.ინტერიერში ჰარმონიის შესანარჩუნებლად მარინა OVTRUP კომოდს იყენებს, რომელიც იდეალურად ერწყმის მაგიდის ფერს და ქმნის ერთიან, სტილისტურად დახვეწილ ესთეტიკას.

ოთახში ბუნებრიობისა და სითბოს შესატანად მარინა ხელოვნური მცენარეების კომპოზიციას მიმართავს. მათ შორის გამორჩეულია ALAN დეკორატიული ყვავილი ქოთანში, რომელიც სივრცეში ბუნების ილუზიას ქმნის. მცენარის მუქ მწვანე ფერთან შეხამებით, დიზაინში სიმყუდროვისა და კომფორტის გასაძლიერებლად BISLEV  ბენჩებს იყენებს.

JYSK-ისა და მარინა კარპიის კოლაბორაცია სკანდინავიური დიზაინის, თანამედროვე ხედვისა და უნიკალური გემოვნების კომბინაციაა და მიზნად ისახავს დინამიური და ჰარმონიული ეფექტის შექმნას. ფერებისა და ტექსტურების მიზანმიმართული შერევით მიიღწევა გემოვნებიანი, გამორჩეული ვიზუალი, რომელიც  კომფორტსა და სიმყუდროვეს უზრუნველყოფს და ამასთანავე  სტილისტურ სრულყოფილებას ქმნის.

დაათვალიერეთ JYSK-ის ახალი კოლექცია, აღმოაჩინეთ თქვენი რჩეული ნივთები, შეუთავსეთ ფერები, ტექსტურები და ფორმები ერთმანეთს და შექმენით ინტერიერი, რომელიც თქვენს პირად სტილს იდეალურად წარმოაჩენს.