მოემზადეთ გარე აქტივობებისთვის, კემპინგი, პიკნიკი და ფესტივალები

ზაფხულის ცხელ დღეებში პოპულარული ხდება გარე აქტივობების დაგეგმვა. მზის სხივების ქვეშ მოსვენება, საყვარელი მუსიკის მოსმენა, ზაფხულის ფესტივალებზე მხიარულება, პიკნიკი მეგობრებთან ერთად, კემპინგის მოწყობა მთელი ოჯახით. იმისთვის რომ მსგავსი აქტივობები სწორად დაგეგმოთ, მაქსიმალური სიამოვნებისა და განტვირთვისთვის, გთავაზობთ რამდენიმე რჩევასა და გზამკვლევს, თუ რა ნივთები დაგჭირდებათ კომფორტის, პრაქტიკულობისა და მხიარულებისთვის ნებისმიერი სახის გარე აქტივობისთვის.

1. კომფორტული ძილი და თავშესაფარი: კარვები, საძილე ტომრები და პარალონები

მიემგზავრებით მუსიკალურ ფესტივალზე თუ ემზადებით თავგადასავლებით სავსე კემპინგისთვის, აუცილებლად დაგჭირდებათ იზრუნოთ იმაზე, რომ გრძელი და დამღლელი დღის შემდეგ შეძლოთ მოსვენება და კომფორტული
ძილი, ძალების აღსადგენად. წყალგამძლე კარვები, კოფორტული საძილე ტომრები და სქელი, რბილი პარალონები გადამწყვეტ როლს ითამაშებს თქვენს კომფორტში.
გამძლე კარავი უზრუნველყოფს სანდო თავშესაფარს, ხოლო პარალონები და საძილე ტომრები გეხმარებათ კარგად ძილსა და ენერგიით დამუხტვაში. დამატებითი კომფორტისთვის იფიქრეთ გასაბერ ლეიბებზეც, განსაკუთრებით
მთაში კემპინგის დროს და ნუ დაგავიწყდებათ ჰაერის ტუმბოც თქვენი კომფორტული ლეიბებისთვის.

2. კემპინგის მაგიდები და სკამები: კომფორტი და პრაქტიკულობა

დასაკეცი სკამები და მაგიდები კემპინგის დროს მნიშვნელოვანია. იზრუნეთ იმაზე, რომ თქვენი საუზმე ბუნებაში მაქსიმალურად სასიამოვნო და პრაქტიკული იყოს. სტაბილური ზედაპირი და მოსახერხებელი სკამები
მნიშვნელოვანია ისეთი აქტივობებისთვის, როგორიცაა საუზმე და ვახშამი, კარტის თამაში, თევზაობა და ა.შ.
ყურადღება მიაქციეთ რომ კემპინგისთვის განკუთვნილი დასაკეცი მაგიდები და სკამები მსუბუქი, მოსახერხებელი და ადვილად გადასაადგილებელი იყოს.

3. გაანათე ღამე: ბატარეაზე მომუშავე ლამფები და ნათურები

მზის ჩასვლის შემდეგ თბილი ნათება თქვენს კარავსა და გარე სივრცეს ნამდვილ სიმყუდროვესა და სითბოს შემატებს. ბატარეაზე მომუშავე ლამფები და ნათურები იდეალურია გარე აქტივობებისთვის. წაიკითხე შენი საყვარელი წიგნი ბუნებაში, ითამაშე სამაგიდო თამაშები მეგობრებთან და ოჯახთან ერთად, ან უბრალოდ მარტივად მოძებნე შენთვის მნიშვნელოვანი ნივთები. ყველასთვის ნაცნობია, რომ კემპინგი დატვირთულია უამრავი აქტივობითა და თავგადასავლებით, თუმცა ყველა ჩვენგანს სურს ხანგრძლივი და დამღლელი დღის შემდეგ კომფორტულად მოვკალათდეთ თბილი შუქის ქვეშ, ვისაუბროთ მეგობრებთან ერთად, მოვუსმინოთ მუსიკას ან ვითამაშოთ მარტივი თამაშები. ამიტომ, განათებაზე ზრუნვა გარე აქტივობების დაგეგმვისთვის აუცილებელია, იქნება ეს ლაშქრობა, პიკნიკი თუ სხვა.

4. ტექსტილი: ფუმფულა პლედები, ბალიშები და გადასაფარებლები

რბილი ქსოვილები კომფორტის განუყოფელი ნაწილია. მიუხედავად იმისა თუ რა ბენეფიტებს გვთავაზობს გარე სივრცე, ლამაზი ხედი, ჯანსაღი ჰაერი, სიახლოვე ბუნებასთან, არ უნდა დაგვავიწყდეს მისი გამოწვევებიც- უხეში ზედაპირები, სუსხიანი ღამეები და სხვა. რბილი ქსოვილები მარტივი გზაა შექმნათ სიმყუდროვე გარშემო. თბილი და ფუმფულა პლედები და გადასაფარებლები დაგიცავთ სიცივისგან, რბილი ბალიში კი მშვიდი ძილის გარანტიაა.

5. ყველაფერი პიკნიკისთვის: აქსესუარები, რომლებიც ყოველთვის პრაქტიკულია

პიკნიკის მოწყობა საკმოდ პასუხისმგებლიანი დავალებაა. გარდა იმისა, რომ უნდა შეარჩიოთ მარტივი და სწრაფი საკვები, არ უნდა დაგავიწყდეთ არც საპიკნიკე აქსესუარები, რათა გარე სივრცეში ჭამის დროს ყველა საჭირო ნივთი თან გქონდეთ. მრავალჯერადი გამოყენების ჭიქები, თეფშები და დოქები აუცილებელია. არ უნდა დაგავიწყდეთ ასევე თერმოსი და ჩანთა მაცივრები.

ჩვენს გზამკვლევში ჩამოთვლილი ნივთები იდეალურია სხვადასხვა აქტივობებისა და გარემოსთვის. შეგიძლიათ შეარჩიოთ თქვენი ფავორიტი აქტივობა და თამამად დაგეგმოთ, როგორ გაატაროთ დრო ისე, რომ არც-ერთი აუცილებელი ნივთი არ დაგავიწყდეთ. გარე სივრცეში მნიშვნელოვანია თან იქონიოთ ყველაფერი, რაც კომფორტს, სიმყუდროვეს, პრაქტიკულობასა და სიხალისეს შემატებს თქვენს თავგადასავალს. JYSK-ის ექსტერიერის აქსესუარები გაჯერებულია ისეთი აუცილებლი ნივთებით, რომლებიც იდეალურად ერგება ყველა ტიპის გარე აქტივობას - იქნება ეს ლაშქრობა, მუსიკალური ფესტივალი, პიკნიკი თუ უბრალოდ ჰაიკინგი.

დაათვალიერეთ ჩვენი გარე აქსესუარების კოლექცია და შეარჩიე შენთვის საჭირო ნივთები შემდეგი ექსპედიციისთვის.